පොදු කොන්දේසි

‘හරුකි මුරකමි 45 වසරක්’ සාහිත්‍ය තරගාවලිය තරග අංශ 4ක් යටතේ පැවැත්වෙන අතර, ඒ සියල්ලටම පොදු කොන්දේසි පහත දැක්වේ. (එක් එක් තරගයට විශේෂ වන කොන්දේසි සඳහා කරුණාකර ඒ තරගයට අදාළ කොටස බලන්න.)

1) සැම නිර්මාණයක්ම, එය ඉදිරිපත් කරන්නාගේම නිර්මාණයක් වීම අනිවාර්ය වේ.

1) කිසියම් නිර්මාණයක් සිංහල හෝ ඉංග්‍රීසි යන භාෂාවලින් තෝරාගත් එක් භාෂාවකින් පමණක් කළ යුතුය. එක් නිර්මාණයක් තුළ යොදාගත හැක්කේ එක් භාෂාවක් පමණි. මිශ්‍ර භාෂාවලින් ලියූ නිබන්ධ ප්‍රතික්ෂේප කෙරේ.

2) එක් තරගකරුවකුට ඉදිරිපත් කළ හැකි නිර්මාණ සංඛ්‍යාවෙහි උපරිම සීමාවක් නොමැත.

3) එකම තරගකරුවකුට වුවද, වෙනස් නිර්මාණ වෙනස් භාෂාවලින් ඉදිරිපත් කළ හැකිය.

4) මින් පෙර කිසියම් තරගයකට ඉදිරිපත් කර ජයග්‍රහණය කළ නිර්මාණ ඉදිරිපත් කළ නොහැකිය.

5) මින් පෙර කිසිදු මුද්‍රිත, විද්‍යුත් හෝ සමාජ මාධ්‍යයක පළ වූ හෝ විකාශය වූ ලේඛනයක් නොවිය යුතුය.

6) ඉහත 5 හා 6 වගන්තිවලට අනුකූල නොවන බව කිසියම් අවස්ථාවකදී හෙළිදරව් වීම, එම ලේඛකයාගේ සියළුම ඉදිරිපත් කිරීම් තරගයෙන් ඉවත් කිරීමට හේතු වේ.

7) තරගයට සහභාගී වීම සඳහා වයස් ‌භේදයක් හෝ වෙනත් කිසිදු ජෛවිය, භූගෝලීය හෝ සමාජවිද්‍යාත්මක සාධකයක් අදාළ නොවේ. The Asian Group of Literature හි අධ්‍යක්ෂ මණ්ඩලවල හෝ සේවයේ නියුතු කිසිවකුට තරගාවලියට සහභාගි විය නොහැකිය.

8) පොත් කවර නිර්මාණ තරගයට ඉදිරිපත් කෙරෙන නිර්මාණ හැරුණුවිට අනෙක් සැම නිර්මාණයක්ම: (සිංහල භාෂාව සඳහා) ‘අභය’ හෝ ‘ඉස්කෝල පොත’ ‌ෆොනුරුවෙන් ඉදිරිපත් කළ යුතු අතර, (ඉංග්‍රීසි) Times New Roman ෆොනුරුවෙන් ඉදිරිපත් කළ යුතු වේ. පේළි අතර ඉඩ 1.5 විය යුතුය. නිර්මාණය PDF ආකෘතියෙන් ඉදිරිපත් කළ යුතුය.

9) කිසිදු නිර්මාණයක් මත නිර්මාණකරුගේ නම හෝ වෙනත් හඳුනාගැනීමේ අංක/සංකේත සඳහන් නොකළ යුතුය. එසේ සඳහන් කිරීම නිර්මාණය තරගයෙන් ඉවත් කිරීමට හේතු වේ. තරගකරුගේ විස්තර සඳහන් කළ යුත්තේ ඒ සමග ඉදිරිපත් කෙරෙන ආකෘති පත්‍රයේ පමණි.

11) තරගය සඳහා ඉදිරිපත් කරන සෑම නිර්මාණයක්ම නිසි පරිදි පිරවූ ආකෘති පත්‍රයද සමග 2024 අප්‍රේල් මස 30 වැනිදාට පෙර ‘The Asian Review සිංහල’ වෙත යොමු කරන්න (ඔබේ නිර්මාණය සූදානම් නම්, මෙම වෙබ් පිටුවේ ඉහළ දකුණුපස ඇති ‘නිර්මාණ යොමුව’ ලින්කුව ඔස්සේ එය අපට එවන්න).

12) පොත් කවර නිර්මාණ තරගයට ඉදිරිපත් කෙරෙන නිර්මාණ පමණක් මින්සර පොත් මැදුර, අංක 12, සිරිකුරුස පාර, ගම්පහ යන ලිපිනයට තැපැල් මගින් ලැබෙන්නට සලස්වන්න. කවරයේ ඉහළ වම් කෙළවරේ “The Asian Review Sinhala” යනුවෙන් සඳහන් කරන්න. ඒ සමග අමුනා එවිය යුතු ආකෘති පත්‍රය ඇමතුම් ඔස්සේ ‌ඉල්ලුම් කළ විට ඔබ වෙත ඊමේල් මගින් එවනු ඇත. 2024 අප්‍රේල් මස 30 වැනිදාට පසුව ලැබෙන නිර්මාණ තරගයට ඇතුළත් නොකරන බව කරුණාවෙන් සලකන්න.

13) තරගය සඳහා ඉදිරිපත්වන සියලු නිර්මාණවල බුද්ධිමය දේපළ අයිතිය ලේඛකයා සතු වන අතර, ඒ අතරින් තෝරාගනු ලබන නිර්මාණ ‘The Asian Review සිංහල’ වෙබ් සඟරාවේ හෝ ‘The Asian Group of Literature ජාත්‍යන්තර සාමූහිකය’ ට අයත් වෙනත් ඕනෑම වේදිකාවක හෝ මුද්‍රිත මාධ්‍යයක හෝ, පවතින ආකාරයෙන්ම හෝ වෙනස්කම් සහිතව හෝ වෙනත් භාෂාවකට පරිවර්තනය කිරීමෙන් පසුව හෝ, (ලේඛකයාගේ නම සහිතව) පළකිරීමේ පූර්ණ අයිතිය ‘The Asian Review සිංහල’ සතු වේ.

14) 1, 2, සහ 3 ස්ථාන ජයග්‍රහණය කරන සිංහල භාෂා නිර්මාණ ‘The Asian Review සිංහල’ වෙබ් සඟරාවේද, ඉංග්‍රීසි භාෂා නිර්මාණ The Asian Review වෙබ් සඟරාවේද පළ කෙරෙනු ඇත. ඊට අමතරව 1, 2, සහ 3 ස්ථාන දිනාගන්නා නිර්මාණකරුවන්ට ත්‍යාග සහ සහතිකපත් පිරිණැමේ.

15) දී ඇති පොදු උපදෙස් හා/හෝ එක් එක් තරගයට අදාළ උපදෙස් අනුව ඉදිරිපත් නොවන නිර්මාණ තරගයෙන් ඉවත් කෙරේ.

16) අවසාන විනිශ්චය සෑම විටකම The Asian Review සහ The Asian Review සිංහල සතු වේ.

හරුකි මුරකමි ග්‍රන්ථ විචාර තරගය